الرئيسية
أحدث الصور
من طرف نعلن عن إفتتاح محل سمك *** السني ****
وسوبر ماركت مكه المكرمه
وكبابجي الإخوه
وسنترال التوحيد
وعطارة الشيخ المهدي
ونظارات المدينه المنوره
وعطور عباد الرحمن
هكذا أرى لافتات معلقه في الشوارع وبيكون اصحابها فعلا ناس ملتزمين ولكن .....
الغلط فين بقا ؟
( وهذا رايته بعيني )
شوفت محل سمك اسمه السني
تلاقيه من اوحش انواع السمك
والتعامل فيه وحش جدا
وبيغلي الحاجه جدا
والمحل مش نظيف بالمره
أي واحد هيتعامل معاه هيقول ( تمام هو ده السني )
عم الشيخ بيبيع ب30 وهي برا ب22
دي مشكله رقم 1 واحد وهي التعاملات والسعر والنظافه الي مش تليق بهذا الاسم مش بقول الاخ لازم يخسر او ينظف كل خمس دقائق بس يراعي ربنا في شغله انا مظنش المحل الي شوفته اتنظف من ساعه ما اتفتح
2- ان يكون اخ بالفعل كويس وهيراعي ربنا في شغله لكنه مش هو الي واقف في المحل وتلاقيه جايب واحد يقف 8 ساعات ب300 جنيه في الشهر ويبقي المحل من برا اسمه سنترال الاخوه والواد الي واقف بيشرب سجاير مشغل اغاني بيعاكس في الي رايحه والي جايه والمحل اسمه نور الاسلام مثلا ...
يبقي الاخ المفروض ينتقي الناس الي بيشغلهم ويشترط عليهم كذا وكذا وانه يقفل ساعه الصلاه وميشربش سجاير في المحل ومفيش اغاني وهكذا
3- تلاقي محل اسمه سنترال جنة الرحمن وطبعا صاحب المحل بيعمل يافطه عند اي حد
والحد دا بقا بيحط صورة واحده ست ماسكه موبيل عشان ده سنترال ويبقي مكتوب سنترال التوحيد وتلاقي ست بشعرها ....
يبقي نبعد عن الاسم اسلامي طالما هيكون فيه مخالفه شرعيه منقدرش نتحكم فيها داخل او خارج المحل
يعني اعلانات اتصالات او غيرها ساعات بيكون فيها نساء مينفعش تكون لحيه قاعده في المحل ويكون بوستر جنبيه فيه واحده ست بتقول اتكلم براحتك ..
الحل شيء من الاتنين في موضوع الاسامي الاسلاميه دي
1- يا اما تسمي اسماء اسلاميه لكن تكون قد هذه المسئوليه يعني سميت محلك اسم اسلامي زي نور الاسلام يبقي بالفعل تظهر للناس التعاملات الاسلاميه المحترمه واسعارك متكونش غاليه و عم بطرس الي جنبك بيبع ب20 وانت تبيع 40 مينفعش ويكون محلك نظيف وبتقفل في الصلاه وبتعامل الناس احسن معامله .... لو متقدرش تعمل ده يبقا خد الحل التاني
2- سمي محلك اسم لا يحمل هوية الالتزام عشان ميكنش الانطباع عند الناس ان هو ده الدين
وسمي محلك اي اسم سميه هيثم سميه محل سوسو اكتب عليه فول وفلافل اي شيء
وربنا يهدينا جميعا الي حسن الخلق
حقوق قراءة مواضيعي محفوظة لمن يعمل بها او يدعو لما استفاده منها او ينقلها او يشارك فيها او يعارضني
ولا أسمح لاحد يقرا الموضوع بخلاف ما ذكرت .... وشكرا
ودى عادات خاطئة و تقاليد سيئة و نتمنى فعلاً ان اللى يعم محله بالاسم دة يشتغلفيه على حسب الاسم لله فقط
فعلاً دة شئ محزن
